महाराष्ट्र भूषण पुरस्कार यादी – 2023

महाराष्ट्र भूषण हा महाराष्ट्र शासनामार्फत देण्यात येणारा सर्वोच्च पुरस्कार आहे. १९९७ मध्ये महाराष्ट्रात युतीचे सरकार असताना हा पुरस्कार देण्यास सुरूवात करण्यात आली. या पुरस्कार विजेत्यासाठी दि. ३१ जानेवारी २०२३ पासून या पुरस्काराच्या मानधनाची रक्कम १० लाखांवरून २५ लाख रु. करण्यात आली. २०१२ पूर्वी ५ लाख रुपये रोख आणि प्रशस्तीपत्र दिले जात होते परंतु सप्टेंबर, २०१२ मध्ये महाराष्ट्र भूषणच्या निकषांमध्ये बदल करण्यात आले . पुरस्काराची रक्कम ५ लाख रुपयांवरुन १० लाख रुपये करण्यात आली. आता परत शासनामार्फत या पुरस्काराच्या मानधनात वाढ करण्यात आली आहे. २०१५ ला बाबासाहेब पुरंदरेंना हा सन्मान मिळाल्यानंतर हा पुरस्कार वादाच्या भोवऱ्यात सापडला.

महाराष्ट्र भूषण पुरस्कारासाठी पात्रता व निकष :-

1) संबंधीत व्यक्तीने त्याच्या क्षेत्रात किमान 20 वर्षे सातत्याने सेवाभावी वृत्तीने तसेच वैशिष्टयपूर्ण/उल्लेखनीय कार्य केलेले असावे. मात्र संशोधनाद्वारे कोणत्याही क्षेत्रात नवीन शोध लावला असल्यास तसेच क्रिडा क्षेत्रात अव्वल दर्जाचे अनेक पुरस्कार प्राप्त खेळाडूच्या बाबतीत विचार करुन हा नियम शिथिल करण्यात येईल.
2) सदर व्यक्तीचे महाराष्ट्रात किमान 15 वर्षे वास्तव्य असावे.
3) पद्म पुरस्कार प्राप्त मान्यवरांना सदर पुरस्कारासाठी प्राधान्य देण्यात येईल.

पुरस्काराचे स्वरुप :-

1) या पुरस्काराची रक्कम रु.25 लाख इतकी असेल.
2) पुरस्कारार्थीला शाल  आणि सन्मानचिन्ह देऊन सन्मानित करण्यात येईल.

समितीचे अध्यक्ष व सदस्य :-

1) मा. मुख्यमंत्री, महाराष्ट्र राज्य   – अध्यक्ष
2) मा. मंत्री, सांस्कृतिक कार्य-   सदस्य
3) मा. सचिव, सांस्कृतिक कार्य  – सदस्य
4) मा. संचालक, सांस्कृतिक कार्य  – सदस्य सचिव
5) तसेच विविध क्षेत्रातील तज्ञ- 5 अशासकीय सदस्यांची नियुक्ती करण्यात येते.

महाराष्ट्र भूषण पुरस्काराचे आत्तापर्यंतचे मानकरी