भ्रष्टाचार निबंध मराठी | Bhrashtachar Nibandh In Marathi

भ्रष्टाचाराचे खूप सारे प्रकार आहेत. त्यामध्ये काळाबाजार, जाणून बुजून किमती वाढवणे, लाचखोरी, पैसे घेऊन काम करणे, स्वस्त वस्तू  आणून जास्त किंमतीत विकणे, निवडणुकीच्या वेळेला पैसे वाटणे, ब्लॅकमेल करणे, विद्यार्थ्यांचे चुकीचे मूल्यांकन, न्यायाधीशांमार्फत पक्षपाती निर्णय, खंडणी वसूल करणे हे सर्व भ्रष्टाचाराचेच प्रकार आहेत.

केवळ सरकारी कार्यालयातच नाही तर प्रत्येक क्षेत्रात भ्रष्टाचार दिसून येतो. सरकारी कार्यालये, शाळा, रुग्णालये आणि अगदी छोट्या कारखान्यांमध्ये भ्रष्टाचारासारख्या समस्या आपल्याला दिसतात.

भ्रष्टाचाराचा सर्वात वाईट परिणाम गरीब आणि असहाय लोकांवर होतो. गोरगरीब माणसे आपले छोटे-छोटे काम करून घेण्यासाठी महिनोनवर्षे त्रास सहन करत राहतात, पण त्यांचे छोटे कामही हस्तक्षेपाशिवाय होऊ शकत नाही.